Transcription
1
Reçue à Grenoble, le 19 mars 1573.
2
Monsieur des Gordes, j’ay receu voz lettres du quatorziesme de
3
febvrier dernier et entendu par icelles comme le chastellan de
4
ma terre de La Mure a esté trouvé des comprins en l’eedict du roy
5
estant de la nouvelle oppignon. A l’occasion dequoy messieurs de
6
la court de Grenoble auroyent esleu en son lieu le sieur de Beaulmont
7
en faveur duquel mescripvez pour le pourveoir audit estat. Et
8
pour ce que je trouve ladite chatellenie estre bien peu de chose pour
9
ledit de Beaulmont, et d’ailleurs que je suis de jour à aultre attendant
10
l’expedition et fin du procès desdites terres (du moings une main levée
11
generalle), joint que j’ay esté adverty que le chastellain desmis
12
doibt bien tost venir pardeça, lequel après avoir entendu, je
13
vous advertiray de ma volunte, par celluy que de bref j’espère
14
envoyer par dela pour donner ordre à toutes mes aultres
15
affaires de mesdites terres, n’y pouvant presentement sans aultre
16
congnoissance de cause bonnement pourveoir estant bien fort marry
17
que ne puis presentement effectuer la prière que m’en faictes pour
18
le desir que j’ay de vous gratiffier non seullement en cela
19
mais en trop plus grande chose comme pourrez congnoistre en tout
20
endroict que l’occasion s’en offrira, vous priant bien fort vouloir
21
tousiours avoir en bonne recommandation ce que congnoistrez qui me
22
touchera par dela et ce me sera obligation de tant plus en votre endroit.
23
Et sur ce me recommandant de bien bon cueur à votre bonne grace, je
24
prie Notre Seigneur (monsieur de Gordes) vous avoir en sa sainte guarde.
25
De Nancy, ce IXe de mars 1573.
26
Votre bien bon amy
27
Nicolas de Lorene